انسحاب

ه‍دخل فى الموضوع على طول عايزة ادردش معاكو وافضفض شويه زعلانه بسبب تجربتى مع ادسنس بصراحه تجربه محبطه عشان كدة  عايزة افضفض انا فى البدايه أضحك عليا كتير .

المهم الكتابه .

 اتضحك عليا بسبب شرح خطوات التدوين .

 انك مفروض  تعرف تكتب ، ودة اهم شرط انا قولت تمام اهو منها اتسالى واحاول  .

 وفعلا كتبت ولما كنت ااقرا اللى كتبته بصراحه كنت بحبه علشان كنت بكتبه باحساسى ايوة بسيط وانا مبتدئه بس محسوس .

 قولت كدة خلاص دنا تمام اوى اكيد هلاقى مشجاعين وهوصل ! .

مصطلحات صعبه .

 بس طلع  فيه خطوات صعبه جدا جدا بالنسبه ليا ومصطلحات اصعب غير الكتابه ،

 وعشان افهم المصطلحات ديه اتفرجت على فديوهات كتير واعيد وازيد وقريت كتيرر تعبت والله لغايه ما وصلت لمستوى مقبول .

بدايتى مع ادسنس .

 حسيت انى ااقدر ااقدم فى ادسنس خصوصا بعد حوالى 40 تدوينه  .

للاسف اترفضت حاولت تانى وظبت شويه حجات وقدمت تانى بعد فترة وعشان يجى الرد بعد 15 يوم فى انتظار يافرحه يا ؟؟ المهم اترفضت اكيد الحماس عندى هبط جدا 

 خصوصا انى كبيرة فى السن ونفسى اثبت انى ناجحه  وممكن اعمل حاجه حتى بعد ال 57  بس للاسف اتخذلت .

حاولت انشر على الفيس وقدمت وبرضه للمرة ال3 اترفضت بسبب الزيارات ضعيفه ، وممكن انى بلوجر ، وممكن عشان القالب مجانى .

 دة احتمال بس فى البدايه قالو الاهم المحتوى كتبت فوق 108 موضوع اترشف منه 50 موضوع وبعدين يقل تانى بدل مايزيد .

اليأس احساس صعب .

 بصراحه يأست وسبت المدونه بس النهاردة حسيت انى اتوحشتها وحبيت خصوصا ان النهاردة اول يوم فى السنه الجديدة 2022 انى اكتب عن تجربتى فى ادسنس .

 يمكن اصعب عليه واتقبل واحس انى نجحت وانا واحدة بسيطه وحلمى انى اعمل حاجه وانجح وافتخر بنفسى قدام ولادى واحفادى وفى النهايه ربنا يهديك يادسنس عليا .